د تعلیماتو او پرسونل معینیت اړوند د حضرت عبدالله بن مسعود (رض) د جګړه ایزو ګډوه زده کړو قوماندانۍ څخه یو زر او ۳۰۰ تنه ځوان منسوبین له درې نیم میاشتي پوځي، فکري او عملي زده کړو څخه وروسته نن د یو لړ مراسمو په ترڅ کې فارغ شول.
دغو مراسمو کې د تعلیماتو او پرسونل مرستیال حافط عبدالمجید، د معینیت مرستیال مولوي بازمحمد حمیدي، د حضرت عبدالله بن مسعود (رض) د جګړه ایزو ګډو زده کړو قوماندان مولوي نصیب الله مدني، د ملي دفاع وزارت ګڼ شمېر رییسانو، مسولینو او منسوبینو ګډون کړی وو.
تعلیماتو او پرسونل مرستیال حافظ عبدالمجید فارغانو ته پخپلو خبرو کې ویلي؛ خپل اعداد ته متوجې شئ موږ او تاسو تر خپل وس پورې مکلف یو چې د دښمن په مقابل کې وسلې جوړې کړو، هیڅ غفلت ونکړو او د دوښمن پروړاندې له بېلابیلو تکتیکونو څخه کار واخلئ او تل بیدار و اوسئ.
د یادونې وړده، چې په فارغ شویو ځواکونو کې ۳۳۵ تنه ځوانان د پنجشیر او بغلان ولایتونو څخه په فوق العاده توګه د ملي اسلامي اردو لیکو ته جذب شوي وو، هم د فراغت سندونه ترلاسه کړل او د هېواد د خدمت لپاره چمتو شول.
په پای کې فارغ شویو ځواکونو د تحلیف مراسمو ترڅنګ خپل پوځي نمایشات په عالي نظم تر سره کړل او غونډه فارغانو ته د بری لیکونو په ورکولو سره پای ته ورسېدله.