د افغانستان د بزکشۍ لیګ شپږم پړاو پایلوبې ته د سرپل او یما پترول لوبډلو لاره ومونده، چې سرپل لوبډله سیالۍ ته را ښکته نهشوه او پر همدې اساس د وزلوبې لیګ کمېټې او لوبڅارانو له لوري یما پترول لوبډله د دې پړاو ګټونکې اعلان شوه.
د درېیم مقام لپاره بیا بدخشان او فاریاب لوبډلو سیالي وکړه، چې فاریاب ۳-۲ سیالې لوبډلې ته ماتې ورکړه.
د بزکشۍ لیګ کمېټې له لوري فاریاب لوبډلې ته دویم، بدخشان ته درېیم او سرپل ته بیا څلورم مقام ورکړل شو.
د وزلوبې شپږم پړاو سیالیو کې ۱۱ لوبډلو ۱۰ ورځې سیالۍ وکړې او د لومړي ځل لپاره د بهرنیو هېوادونو لوبغاړي هم پکې ولوبېدل.
په دې پړاو کې سرپل او یما پترول لوبډلو ټولې سیالۍ وګټلې او تر پایلوبې ورسېدې.
د یادونې وړ ده، چې دا لوبې له ملي سپورت څخه په ژوندۍ بڼه خپرې شوې.