د ریاست الوزرا سیاسي مرستیال مولوي عبدالکبیر په سپېدار ماڼۍ کې د کابل ښار د ۱۹مې ناحیې له یو شمېر قومي مشرانو او مخورو سره لیدنه کړې.
په دې ناسته کې یادو قومي مشرانو د اسلامي نظام په ټینګښت خوښي ښودلې او له اسلامي امارت سره یې د همکارۍ ژمنه کړې.
دغه راز یې د ښوونځي، مدرسې او روغتیايي کلینیک د ودانیو جوړېدو او پاکو اوبو ته د لاسرسي غوښتنې کړې دي.
د ریاست الوزرا سیاسي مرستیال مولوي عبدالکبیر د ۱۹مې ناحیې یادو مشرانو ته د ښه راغلاست پرمهال ویلي، د کابل ښار په ډېرو برخو کې د پاکو اوبو د رسولو او د پراختیايي پروژو چارې پيل شوي چې له بشپړېدو سره به یې د ډېرو ښاریانو ستونزې حل شي.
مولوي عبدالکبیر هغوی ته ډاډ ورکړی، چې امکاناتو ته په پام به یې غوښتنو او ستونزو ته رسېدنه وشي.