بسم الله الرحمن الرحیم
د اسلامي امارت عاليقدر امیر المؤمنین حفظه الله، رییس الوزرا، د کابینې غړو، ولسي مشرانو، علماوو کرامو، عامو خلکو، ډیپلوماتانو، د اسلامي نړۍ خواخوږو، بهر مېشتو افغانانو او مجاهدینو وروڼو، له تاسو ټولو څخه د زړه له کومې مننه کوو، چې د الحاج شهید خلیل الرحمن حقاني د شهادت په اړه مو خپله خواخوږي، ملاتړ او دعاوې له موږ سره شریکې کړې.
ستاسو دا اخلاص زموږ د صبر او تسل لپاره ستره وسیله ګرځېدلې ده.
موږ له ټولو هغو وروڼو او خواخوږو څخه چې د فاتحې په مراسمو کې د ګډون لپاره یې پکتیا ته د راتګ زحمت ګاللی یا يې په خپلو سیمو کې د دعا مراسم ترسره کړي، ځانګړې قدرداني کوو. الله تعالی دې ستاسو زحمتونه او دعاوې قبولې او ستاسو اجرونه څو برابره کړي.
الله تعالی ته د دعا لاس لپه کوو چې د شهید خلیل الرحمن حقاني قربانۍ زموږ د ملت د یووالي، اتحاد او د اسلامي امارت بریا لپاره مهمه وسیله وګرځوي.
له ټولو مجاهدینو او عامو خلکو څخه مو غوښتنه دا ده چې د فاتحې مراسم نور پای ته رسیدلي، لهذا په خپلو کلیو، کورونو او جوماتونو کې د شهید لپاره دعاوې وکړئ، دلته د فاتحې لپاره زحمت او ستړیا مو نه در باندې لوريږي.
والسلام علیکم ورحمة الله و برکاته!
خلیفه سراج الدین حقاني