د بهرنیو چارو وزارت له سیاسي مرستیال شیر محمد عباس ستانکزي سره په کابل کې د قرغیزستان سرپرست سفیر دنیار ژولچیف لیدنه وکړه.
په دې ناسته کې د افغانستان او قرغیزستان په دوه اړخیزو سیاسي، اقتصادي او سوداګریزو اړیکو خبرې وشوې.
شیر محمد عباس ستانکزي له افغانستان سره د قرغیزستان د سیاسي او اقتصادي اړیکو پیاوړتیا د پام وړ وبلله او دا یې د دواړو هېوادونو د اقتصادي پرمختګ په لړ کې خورا مهم ګام وباله.
دنیار ژولچیف د افغانستان له کانونو، زراعت سربېره په بېلابېلو برخو کې د قرغیزستان له لوري د پانګونې او دوه اړخیزې همکارۍ یادونه وکړه او زیاته یې کړه، چې هېواد یې له افغانستان سره د دوه اړخیزو سیاسي او اقتصادي اړیکو پراختیا او چټکتیا ته لېوالتیا لري او په دې لړ کې یې په نیږدې راتلونکي کې د قرغیزستان د عالي رتبه چارواکو د راتګ او سفر یادونه هم وکړه.