د سرحدونو، قومونو او قبايلو چارو وزير ملا نور الله نوري د کابل په ګډون د سرپل، غزني، ميدان وردګ، پروان، باميان، غور، دايکندي، سمنګان او بلخ ولايتونو له اهل تشيع علماوو، روحانينو او استادانو سره په خپل کاري دفتر کې لیدنه کړې.
په دغه لیدنه کې د اهل تشيع قوم، علماوو، روحانينو او استادانو د خپلو ستونزو د شريکولو ترڅنګ د اسلامي امارت په کلک ملاتړ ټينګار کړی او ویلي یې دي؛ موږ په هر حالت د دې نظام ننګه کوو، خدمت ته يې چمتو يو او هيڅ ډلې ته به اجازه ور نه کړو، چې د دې نظام پر وړاندي خنډونه جوړ کړي.
د سرحدونو، قومونو او قبايلو چارو وزير د اهل تشيع قوم د استازو خبرې اوريدلي او له هغوی سره ناسته يې خپله هيله ياده کړې ده.
ملا نور الله نوري ویلي؛ د قومونو ترمنځ اتفاق او يووالي د عقيدې، فکر، خاورې او سر د خونديتوب لاملونه دي نو ځکه مو د قومونو د اتفاق په پایله کې خپلواکي او ازادي ترلاسه کړې.
نوموړي په دې برخه کې د اهل تشيع قوم همکاري ستایلي او د مننې ترڅنګ يې هغوی ته د ذکر شوو ستونزو د حل ډاډ ورکړی دی.