د افغانستان برېښنا شرکت سرپرست او د مالي چارو رییس محمد رسول جواد او د اړوند څانګو مسولینو د چین هېواد هایپر پارټینرس کمپنۍ له مسول سره لیدنه کړې او هېواد کې د برېښنا انرژۍ تولید برخو کې پر شته فرصتونو یې خبرې کړې دي
د یادې کمپنۍ مسول افغانستان د برېښنا انرژۍ لپاره د تر ټولو غوره زمینو هېواد بللی او ویلي يې دي، غواړي د منځنۍ اسیا هېوادونو په څېر افغانستان کې هم د برېښنا تولید برخو کې پانګونه وکړي او د اړتیا وړ ډاډمنه برېښنا تولید کړي.
د افغانستان برېښنا شرکت وايي، هېواد کې د برېښنا تولید پر کورنیو سرچېنو د پانګونې لپاره د افغانستان برېښنا شرکت له لورې جوړ شوي کانفرانس څخه وروسته د ملي او نړیوالو پانګوالو لیوالتیا پانګونې ته زیاته شوې ده.