د پېښو پروړاندې د مبارزې ملي ادارې رییس ملا نورالدین ترابي د قزاقستان له سفیر ګازیز اکباسوف او مل پلاوي سره په خپل کاري دفتر کې لیدنه کړې.
په دې لیدنه کې ملانور الدین ترابي یاد پلاوي ته ښه راغلاست ترڅنګ، د پېښو پروړاندې د مبارزې ملي ادارې پر لاسته راوړانو او ستونزو خبرې کړي او ویلي یې دي، چي په افغانستان کې زیات شمیر خلګ د غربت او بي وزلۍ سره مخ دي او مرستو ته جدي اړتیا لري.
همدا راز نوموړي زیاته کړې، قزاقستان هېواد تل زموږ سره د مرستو په برخه کي زیاته همکاري کړې ده، موږ ورڅخه منندوي یو او په راتلونکي کي یې د لازیاتو همکاریو او مرستو غوښتنه کړې ده.
د قزاقستان سفیر ګازیز اکبا سوف د ملانور الدین ترابي څخه مننه کړې، افغانستان یې د قزاقستان هېواد یو ښه دوست یاد کړی او ویلي یې دي، چې لا به هم خپلو مرستو ته دوام ورکوو ترڅو د دغه دوو هېوادونو اړیکي سره لا پیاوړې شي.
د غونډي په ورستیو کې د قزاقستان سفیر د ښاغلي ترابي څخه غوښتنه کړې، تاسو د هغو خوراکي او غیر خوراکي اجناسو لیست چی تاسو ضرورت ورته لرئ مونږ ته یې راکړی، مونږ به یې له ستاسو سره په لنډ وخت کې مرسته وکړو.
دغهراز د پېښو پروړاندې د مبارزې ملي ادارې رییس د هر اړخیزې همکارۍ ډاډ ورکړی.