د ملي دفاع وزیر مولوي محمد یعقوب مجاهد په کابل کې د سعودي عربستان له سفیر فیصل طلق البقمي سره پخپل کاري دفتر کې لیدنه کړې.
په دې لیدنه کې د ملي دفاع وزیر د افغانستان او عربستان اړيکې د عقیدتي او فرهنګي اړخه شريکې بللي او یاد هېواد له لوري په بېلابېلو برخو کې له همکارۍ مننه کړې.
همدارنګه مولوي محمد یعقوب مجاهد په کابل کې د سعودي عربستان د سفارت بیا پرانستل مهم او ارزښتناک بللي.
د سعودي سفیر له افغانستان سره د دوه اړخیزو اړیکو او بشري، اقتصادي او سیاسي همکاریو د پراختیا په برخه کې د خپل هېواد پر ژمنتیا ټینګار کړی.