د امریکا واشنګټن ریګن هوايي ډګر ته نږدې د امریکایي ایرلاینز یوه سیمهییزه مسافر وړونکې الوتکه له پوځي بلیک هاوک چورلکې سره جنګېدلې ده.
د امریکا فدرالي هوایي ادارې (FAA) ویلي؛ د PSA Airlines CRJ700 سیمهییزه مسافر وړونکې الوتکې چې د امریکایی ایرلاینز لخوا کنټرولېده، د ریګن هوايي ډګر ته د نږدې کېدو پر مهال له یوې پوځي چورلکې سره ټکر کړی.
رویټرز د امریکایي چارواکو له قوله راپور ورکړی چې دغه پېښه تلفات لري، خو د تلفاتو کره شمېر یې نه دی وړاندې کړی.
د راپورونو لهمخې مسافر وړونکې الوتکه کې ۶۰ مسافر او څلور کارکوونکي او همدارنګه پوځي چورلکه کې هم درې تنه سپاره وو.
د تېرو دوو کلونو پرمهال امریکا کې د هوايي ټکرونو له امله د خلکو اندېښنې زیاتې شوې دي.
دا په داسې حال کې ده، چې د FAA ادارې مشر د جنورۍ په ۲۰ له خپلې دندې استعفا ورکړې او تر اوسه یې ځای ناستی نه دی معرفی شوی.
له دې وړاندې هم په ۲۰۰۹ کال کې د امریکا په نیویارک ایالت کې د الوتکې مرګونې پېښه شوې وه، چې له امله یې ۵۰ تنه وژل شوي وو.