د ملي اسلامي اردو لوبډلې د کابل د لیګ په سیالیو کې، چې د لسو غوره لوبډلو ترمنځ ترسره شوې د غوره لوبو په ترسره کولو سره وکولی شول، چې د دویم ځل لپاره د اتلولۍ جام خپل کړ.
د دغو سیالیو په پایلوبه کې د اردو ځوانانو د سولې له پیاوړي ټیم سره یوه مهمه لوبه وکړه او مقابل ټیم یې د ۲–۰ پایلې سره مات کړ، او د ۲۰ امتیازونو په ترلاسه کولو سره یې اتلولي خپله کړه.
د میوند کلپ لوبډله چې د دې پړاو دویم مقام ته ورسېده، د اردو لوبډلې سره یو ځای د کابل سوپر لیګ ته د لار موندنې جواز ترلاسه کړ.
د جایزو په برخه کې قاري فهیم د اردو له لوبډلې څخه د غوره ګول وهونکي، هجرانالله د میوند کلپ څخه د غوره ګول ساتونکي، نصیر احمد د میوند کلپ څخه د غوره لوبغاړي، او داوودزي ټیم د غوره اخلاقو لرونکي لوبډلې په توګه جایزي ترلاسه کړې.
دغهراز د دې ټورنمنټ جایزې د مېلمنو او ورزشي مسولینو له لوري په ځانګړي ډول د بدني روزنې د عمومي رییس احمدالله وثیق او د فوټبال فدراسیون د تخنیکي مرستیال احمدجان ځدران لخوا ورکړل شوې.
همدانګه د ملي اسلامي اردو لوبغاړو د ملي دفاع وزارت له هڅو څخه د قدردانۍ ترڅنګ ژمنه کړې، چې په اسلامي روحیې او انګېزې سره به په ورزشي میدانونو او ورسپارل شوو دندو کې له پخوا څخه زیاتې هلې ځلې وکړي.