ملګرو ملتونو د امریکا د ولسمشر ډونالډ ټرمپ د هغې طرحې په غبرګون کې، چې غواړي ۳۰ زره ناقانونه کډوال ونیسي او د ګوانتانامو زندان ته یې انتقال کړي، د دغو کډوالو د حقونو د درناوي غوښتنه کړې.
د ملګرو ملتونو ویاند سټیفان دوژاریک په یوه خبري کنفرانس کې ټینګار کړی، چې د کډوالو مدیریت باید د دوی د اساسي حقونو او انساني کرامت ته په درناوي ترسره شي.
د امریکا ولسمشر د دغه هېواد دفاع وزارت او کورني امنیت ته امر کړې چې په ګوانتانامو زندان کې د هغو کډوالو د بندي کولو لپاره یو مرکز جوړ کړي، چې د دوی په باور ناقانونه دي.
ګوانتانامو زندان، له محاکمې پرته د بندیانو د شکنجې له امله ډېر شهرت لري.