له افغان شخصیتونو سره د اړیکو کمېسیون وايي، ددغه کمېسیون له جوړېدو را پدېخوا شاوخوا یو زر او ۳۰ تنه سیاسي، پوځي او د تېرې ادارې چارواکي هېواد ته راستانه شوې دي.
له افغان شخصیتونو سره د اړیکو کمېسیون ویاند مولوي احمد الله وثیق وايي، د دغه کمېسیون په هڅو د تېرې ادارې د کابل والي محمد یعقوب حیدري په ګډون په تېرو درې میاشتو کې ۱۰۰ تنه بېرته خپل هېواد ته راستانه شوي.
ورته وخت کې یو شمېر سیاسي او پوځي کارپوهان وايي، هغه کسان چې بېرته هېواد ته راستنېږي باید د کار او ژوند کولو اسانتیاوې ورته په پام کې ونیول شي.
له افغان شخصیتونو سره د اړیکو کمېسیون په وینا، بېرته راستنېدونکو افغان شخصیتونو ته لکه د نورو افغانانو په څېر د کاري چاپيریال ترڅنګ د خوندیتوب کارتونه ورکول کیږي.