د کډوالو او بېرته راستنېدونکو چارو وزارت وايي؛ په پاکستان کې ۹۱ تنه افغان بندیان له بنده خوشې او د سلواغې پر ۱۱مه او ۱۲مه نېټه خپل هېواد ته راستانه شول.
یاد وزارت زیاتوي؛ د ننګرهار ولایت د تورخم او د کندهار ولایت د سپین بولدک سرحدي امریتونو د معلوماتو له مخې دغه کسان د پاکستان له بېلابېلو سیمو څخه د قانوني اسنادو د نه لرلو له امله نیول شوي او له دوو تر ۲۷ ورځو پورې په بند کې وو، چې د بشري مرستو له ترلاسه کولو وروسته خپلو اصلي سیمو ته ولېږدول شول.