شپږو عربي هېوادونو (قطر، مصر، متحده عربي اماراتو، سعودي عربستان، اردن او فلسطین) د امریکا د ولسمشر ډونالډ ټرمپ له هغه وړاندیز سره مخالفت کړی، چې له غزې څخه د فلسطینیانو د ایستلو غوښتنه پکې شوې ده.
د یادو هېوادونو د بهرنیو چارو وزیرانو په یوه ګډه اعلامیه کې ویلي، چې دا ډول پرېکړه به سیمه بېثباته او شخړې به لا پسې زیاتې کړې او د سولې او ګډ ژوند هیلې به کمزورې شي.
په دې اعلامیه کې دغهراز د نړیوالې ټولنې د همغږو هڅو پر اهمیت ټینګار شوی، تر څو غزه تړانګه په داسې بڼه بېرته ورغول شي، چې پخپل ټاټوبي کې د فلسطینیانو د پاتې کېدو ضمانت وکړي.