د اطلاعاتو او کلتور وزارت وايي؛ د خپرونو چارو معينیت کې د یاد معينيت د مرستیال مولوي مهاجر فراهي په مشرۍ د کتابونو ارزونې کمېسیون نوبتي غونډه وشوه.
یاد وزارت زیاته کړې، غونډه کې د خپرونو چارو مرستیال مولوي مهاجر فراهي د کتابونو د ارزونې کمېسیون د فعاليوتونو ارزونه وکړه.
همدا راز د غونډې په ترڅ کې د يو شمېر کتابونو په اړه د کمېسیون د غړو له لوري نظريات شريک شول او هغه شمېر کتابونه چې د اسلامي او افغاني ارزښتونو سره سم ليکل شوي وو، د چاپ اجازه ورکړل شوه.
د غونډې په وروستيو کې د کمېسیون په غړو هغه کتابونه ووېشل شول، چې دې کمېسیون ته د ارزونې په موخه راوړل شوي وو، تر څو يې راتلونکې غونډې ته راپور وړاندې کړي.