د پېښو پر وړاندې د مبارزې ملي ادارې رییس ملا نور الدین ترابي د جاپان له سفیر داکتر تکایوشي کرومیا، لومړي سکرترهیروتکا کواکمي او ورسره راغلي پلاوي سره په خپل کاري دفتر کې لیدنه کړې.
په دې لیدنه کې ملا نور الدین ترابي د پېښو پر وړاندې د مبارزې ملي ادارې پر لاسته راوړانو او ستونزو خبرې کړي او ویلي یې دي؛ افغانستان کې زیات شمېر خلګ د غربت او بي وزلۍ سره مخ دي او مرستو ته جدي اړتیا لري، موږ نن د پینځه کلن ستراتیژک پلان مخکتنه وکړه او باید په تطبیق کې یې پوره همکاري وشي.
نوموړي زیاته کړې؛ جاپان تل زموږ سره د مرستو په برخه کې زیاته همکاري کړې ده، موږ ورڅخه منندوی یو او پر راتلونکي کې د لا زیاتو همکاریو او مرستو غوښتنه کوو.
د جاپان سفیر داکتر تکایوشي کرومیا د یادې ادارې له رییس څخه مننه کړې او افغانستان یې د جاپان یو ښه دوست هېواد یاد کړی.
نوموړي ویلي، لا به هم خپلو مرستو ته دوام ورکوو ترڅو نور هم د دغه دوو هېوادنو اړیکي پیاوړي شي.
تکایوشي کرومیا له ملا نورالدین ترابي څخه مننه کړې، چې تل یې موسسو سره مرسته کړې او زیانمنو کورنیو ته په شفافیت مرستې رسولې دي.
د لیدنې په پای کې پر ګډو همکاریو ټینګار شوی.