د افغانستان اسلامي امارت په ۲۰۲۴م کال کې د نورو برخو ترڅنګ د کورنیو تولیداتو د ودې او پراختیا لپاره ځانګړې پاملرنه کړې ده.
د کورنیو تولیداتو ملاتړ
د اسلامي امارت لخوا د کورني تولید د ودې لپاره هڅه کیږي، چې په دې برخه کې د کرنیزو محصلاتو، صنعتي توکو او لاسي صنایعو پراختیا ته ځانګړې پاملرنه شوې ده.
د کرنې په برخه کې د اوبولګولو سیستمونو د ښه والي، د کرنیزو توکو د پروسس کارخونو جوړولو او د بزګرانو لپاره د اسانتیاوو رامنځته کولو په برخه کې اساسي کار ترسره شوی دی.
د تولیدي بنسټونو ملاتړ
د تولیدي بنسټونو او کارخونو د جوړونې او بیارغونې په برخه کې د افغانستان اسلامي امات له خصوصي سکټور سره په ګډه اړین اقدامات ترسره کړي دي.
د دې ترڅنګ د تولیدي کارخونو لپاره له کورنیو منابعو څخه پر ګټې اخیستنې هم ټینګار شوی دی.
د صادراتو زیاتوالی
د کورني تولید د ودې یوه مهمه برخه د صادراتو زیاتوالی دی.
د افغانستان اسلامي امارت هڅه کړې، چې د کورنیو تولیداتو لپاره په کور دننه او بهر کې بازار موندنه وکړي او د صادراتو لپاره د اړتیا وړ اسانتیاوې رامنځته کړي.
په دې برخه کې د تولیداتو پر معیاري کولو، د سودګریزو اړیکو پر پراختیا او د ګمرکي پروسو د ساده کولو ته ځانګړې پاملرنه شوې ده.
د خصوصي سکټور هڅونه
اسلامي امارت د خصوصي سکټور د هڅونې لپاره ځانګړي تدابیر نیولي دي.
په دې برخه کې د پانګونې لپاره د اسانتیاوو رامنځته کول، د امتیازونو ورکړه، د خصوصي شرکتونو د ملاتړ لپاره د قوانینو ساده کول او د خصوصي سکټور ستونزو ته پر وخت رسېدنه شامل دي.
په ټوله کې اسلامي امارت د کورنیو تولیداتو د ودې لپاره کوټلي ګامونه اخیستي، چې د اقتصادي ځان بساینې، د صادراتو د زیاتوالی او د هېوادوالو د ژوند د سطحې لوړولو لپاره ګټور تمام شوي دي.