د افغانستان اسلامي امارت د یوې اعلامیې په خپرولو سره کندوز کې د شوې چاودنې د قربانیانو له کورنیو سره غمشریکي څرګنده کړې، د دوی کورنیو او ټولو دردېدلو افغانانو ته یې د تسليت مراتب وړاندې کړې دي.
په اعلامیه کې ویل شوي: “په کندوز ولايت کې کابل بانک ته څېرمه د اسلام او بشریت د دښمنانو په چاودنه کې له بده مرغه زموږ يو شمير هېوادوال شهيدان او ژوبل شوي.”
اسلامي امارت له ټولو مصيبت ځپلو سره ژوره خواشيني او همدردي څرګنده کړې، شهیدانو ته یې له الله جل جلاله څخه جنتونه او زخميانو ته یې د بېړنۍ شفاء غوښتنه کړې ده.