د مالیې وزارت وايي؛ د ګمرکونو او عوایدو مرستیال مفتي عبدالمتین سعید په مشرۍ د روان (۱۴۰۳هـ.ل) کال د مرغومي په میاشت کې په ګمرکونو کې د ترسره شویو چارو د تخنیکي ارزونې ناسته پر لیکه او حضوري بڼه شوې.
یاد وزارت زیاتوي؛ په پیل کې د ګمرکونو او عوایدو مرستیال د ګمرکي عوایدو د زیاتوالي، د مسولینو او کارکوونکو ترمنځ د تجربو په شریکولو، د کارکوونکو د وړتیا لوړولو، د قاچاقي او ممنوعه توکو د مخنیوي، په دقیق ډول د خالي بار وړونکو موټرو د وزن معلومولو او د یو شمېر نورو موضوعاتو په اړه د ولايتي ګمرکونو مسولیتو ته لازمي سپارښتني وکړې.
ورپسې د ګمرکونو لوی ریاست د پلان جوړوني، پالیسۍ، څارني او ارزوني ریاست له لوري د روان (۱۴۰۳هـ.ل) کال د مرغومي په میاشت کې په ګمرکونو کې د ترسره شویو فعالیتونو ټولیز راپور وړاندې شو.
په یاده موده کې د عوایدو د راټولېدو، د هېواد په ګمرکونو کي د ترسره شوې سوداګرۍ، د وارداتي توکو د ګمرکي ارزښت او د سوداګریزو محمولو د شمېر او ثبت شوي وزن په اړه بشپړ معلومات وړاندې شول، چې له مخي یې د تېر کال د همدې مودې په پرتله، د ګمرکونو چاري ۱۵،۷ سلنه مثبتي وښودل شوې.
د وړاندې شوي راپور په تړاو هر اړخیز تخنیکي بحثونه وشول او د چارو د لا پرمختګ په موخه د ولایتي ګمرکونو د مسولینو ستونزې او وړاندیزونه واورېدل شول، چې د رهبرۍ له لوري د ستونزو د حل ډاډ ورکړل شو او ورسره اړینې سپارښتنې هم شریکې شوې.