د عامې روغتیا وزارت وايي، تېر کال ننګرهار سیمه ییز تخصصي روغتون کې د ۵۰۰ زره ناروغانو درملنه ترسره شوې.
د یاد روغتون رییس ډاکټر روح الله ملاخېل د روغتیایي کارکوونکو ستاینغونډه کې ویلي؛ تېر کال دغه روغتون ته ۵۰۰ زره ناروغانو مراجعه کړې، چې له جملې یې ۱۴۵زره ناروغان بستر شوي دي.
نوموړي زیاته کړې، ۱۹ زره او ۳۹۲ لوی او شپږ زره او ۶۰۰ کوچني عملیاتونه ترسره شوي دي.
د ښاغلي ملاخېل د معلوماتو له مخې؛ د دې روغتون په نسایي ولادي څانګه کې ۲۳ زره او ۸۸۹ ولادتونه ترسره شوي او هم په زیات شمېر ناروغانو ته تشخصیه معاینات او نور خدمات وړاندې شوي دي.