د کانونو او پټرولیم وزارت وايي؛ ملا هدایت الله بدري د بامیانو ولایت د یکاولنګ ولسوالۍ د اسپ میدان سیمې د سرب او جستو کان تړون د محمد بلوچ عزیزي د کانونو د استخراج، پروسس او سوداګریز شرکت سره د ۸۳ میلیونه او ۸۷۵ زره افغانیو په ارزښت د (۰،۵۳۸۶۸۳) کیلو مټره مربع په مساحت سره د وزارت ستر سلاکار انجنیر وحیدالله حلیمي، د یاد وزارت د دفتر عمومي رییس معراج محمد معراج او یو شمېر رییسانو په شتون کې لاسلیک کړ.
د کانونو او پټرولیم وزیر ملا هدایت الله بدري د یاد کان په اړه ویلي؛ د دې کان تړون به د پينځو کلونو لپاره وي په دې شرط چې دوی د کانونو د اصولو، کړنلارې او مکلفیتونو سره سم کار او فعالیت وکړي نو د ټاکل شوې مودې له بشپړیدو وروسته به د دوهم ځل لپاره نوی شي.
دغه راز به د شرکت د ژمنو پراساس پروسس به یې ۱۰۰ سلنه د هېواد دننه ترسره کېږي.
همدارنګه یې د ټولنیزو خدمتونو او نورو موضوعاتو په اړه زیاته کړې، د دې پروژې په پلي کېدو سره به په مستقیم او غیر مستقیم ډول د هېواد لسګونه ځوانانو ته کاري فرصتونه برابرشي.