د ترکیې ولسمشر رجب طیب اردوغان د یوه لوړ پوري پلاوي په مشري پاکستان ته سفر کړی.
د پاکستان ولسمشر اصف علي زرداري، لومړی وزیر شهباز شریف، او نورو لوړ پوړو چارواکو د نوموړي تود هرکلی کړی. پر دې سربېره د ښاغلي اردوغان الوتکه هم د پاکستان هوايي ځواک بدرګه کړې ده.
ټاکل شوې چې د پاکستان-ترکیې د لوړې کچې ستراتیژیکې همکارۍ شورا اوومه غونډه به هم جوړه شي، چې مشري به یې اردوغان او شهباز شریف کوي.
د یادې غونډې موخه د اسلاماباد او انقرې ترمنځ د دوه اړخیزو همکاریو پیاوړي کول ښودل شوي دي.
رجب طیب اردوغان له دې وړاندې مالیزیا او اندونیزیا ته هم سفر کړی و او پاکستان تګ به یې د دې سفرونو وروستی پړاو وي.