د كډوالو او بېرته راستنېدونکو چارو وزير مولوي عبدالكبير د نورستان ولايت له مشايخو او علماو سره لیدنه کړې.
په دې لیدنه كې د نورستان مشايخو او علماو د اسلامي امارت څخه ملاتړ څرګند كړی او ویلي یې دي، افغانان د اشغال له پاى ته رسېدو وروسته د اسلامي نظام تر سيوري لاندې ارام ژوند كوي.
دوى زياته كړې، د اسلامي نظام د ساتنى لپاره چمتو دي او د هر هغه چا پر وړاندې درېږي چې د اسلامي نظام د كمزوري كولو هڅه كوي.
همدارنګه د نورستان علماو او مشايخو د بيا رغوني، سركونو، روغتيايي خدماتو، زراعتي او حيواني روغتونونو او ښوونيزو بنسټونو په برخو كې خپلې ستونزې ورسره شريكې كړې دي.
مولوي عبدالكبير د ښه راغلاست تر څنګ د دوى د ملاتړ له امله مننه کړې او ویلي یې دي، اوس افغانستان له اشغال څخه خلاص شوى او سوچه اسلامي نظام حاكم دى، چې د ټولو افغانانو ګډ نظام بلل کیږي هيڅ څوک دې ځان پكى بېګانه نه ګڼي.
نوموړي زیاته کړې، افغانان دې د پردیو تبليغاتو تر اغيز لاندې نه راځي او د هېواد د پرمختګ لپاره به په ګډه كار ته دوام وركوي.
مولوي عبدالكبير ویلي، نورستان جهادي تاريخ لري او د افغانستان د نورو ولايتونو په څیر اسلامي امارت ورته ځانګړې پاملرنه لري.
دغهراز نوموړي، د نورستان ولايت مشايخو او علماوو د ستونزو حلولو په برخه كي ډاد وركړی ده.