د روسیې د دولتي خبري اژانس “ټاس” د راپور لهمخې، د روسیې ولسمشر ولادیمیر پوتین پرون (چهارشنبه، د سلواغې۲۴مه) د سوریې د انتقالي حکومت له مشر احمد الشرع سره د سوریې د اوسني وضعیت په اړه تلیفوني خبرې کړې دې.
ولادیمیر پوتین ټینګار کړی، چې روسیه د “سوریې د دولت یووالي، حاکمیت او ځمکنۍ بشپړتیا” د اصل ملاتړ ته ژمنه ده.
د روسیې ولسمشر ویلي؛ مسکو چمتو دی چې د دمشق د ټولنیز او اقتصادي وضعیت د ښهوالي لپاره خپلو مرستو ته دوام ورکړي.
دا لومړۍ ځل دی، چې د بشار الاسد د حکومت له سقوط وروسته د روسیې ولسمشر او احمد الشرع تلیفوني خبرې کوي.