د کرملین ماڼۍ ویلي، چې د روسیې ولسمشر ولادیمیر پوتین او د امریکا ولسمشر ډونالډ ټرمپ پرون (چهارشنبه، د سلواغې ۲۴مه) د اوکراین د جګړې د پای ته رسولو په اړه ټیلیفوني خبرې کړې دي.
د روسیې دولتي خبري اژانس “ټاس” لیکلي پوتین ټرمپ ته بلنه ورکړې، چې مسکو ته سفر وکړي او د دواړو هېوادونو ولسمشرانو هوکړه کړې، چې په راتلونکي کې به یو له بل سره وګوري.
د کرملین ویاند دیمیتري پسکوف هم ویلي، چې پوتین او ټرمپ د منځني ختیځ د وضعیت، دوه اړخیزو اړیکو او د بندیانو تبادلې په تړاو هم خبرې کړي دي.
د کرملین د معلوماتو له مخې، پوتین او ټرمپ تر دې مخکې د ۲۰۲۰ کال د جولای په ۲۳مه له یو بل سره خبرې کړې وې، خو له هغه راهیسې تر اوسه پورې د هغوی ترمنځ رسمي اړیکه نه وه ثبت شوې، تر دې چې تېره ورځ یې خبرې وکړې.