د امنيتي او تصفيوي چارو مرکزي کمېسيون غړي او د چارو ادارې مرستيال مولوي سیف الدين تایب په مشرۍ يوه پلاوي لوګر ولايت ته سفر وکړ.
ياد پلاوي د خپل سفر په ترڅ کې د لوګر ولايت مرستيال والي مولوي محمد انور دين پرور په مشرۍ د ولايتي امنيتي کمېسيون له غړو سره په امنيتي وضعیت مفصلې خبرې وکړې.
ولايتي کمېسيون په دغه ناسته کې د لوګر ولايت امنيت د ډاډ وړ وباله او یې ویل، چې د ټولو ادارو ترمنځ کامله همغږي شتون لري.
همداراز ياد پلاوي په يوه لیدنه کې د لوګر ولايت د مجاهدينو ستونزې او مشکلات واوريدل او د حل په برخه کې يي د همکارۍ ډاډ ورکړ.
د نورو لیدنو ترڅنګ مولوي سیف الدين تائب د لوګر ولايت د کرهکتنې کميټې له مسولينو سره هم ولیدل او په چارو کې يي په پوره شفافیت او روڼتيا ټينګار وکړ.