د ترانسپورټ او هوایي چلند وزارت وايي، چې اوسمهال د افغانستان فضا تر ټولو امنه او د ټولو ملکي عبوري پروازونو پر مخ پرانېستې ده.
د یاد وزارت ویاند حکمتالله اصفي له ملي تلویزیون سره په خبرو کې ویلي، چې اوسمهال د دوو کورنیو شرکتونو ترڅنګ ۷ نړیوال شرکتونه هم افغانستان ته الوتنې لري.
نوموړي زیاته کړې؛ دهېواد په ۲۷ هوايي ډګرونو کې، چې پینځه یې نړیوال دي، د مسافرو لپاره ګڼې اسانتیاوې رامنځته شوې دي.
د ترانسپورټ او هوايي چلند وزارت مسولین ټينګار کوي، چې هوايي چلند د هېواد د اقتصادي ودې او پرمختګ مهمه برخه ده او اسلامي امارت دې برخې ته ځانګړې پاملرنه کوي.