د کډوالو او راستنېدونکو چارو وزارت د یوې اعلامیې په خپرولو سره ویلي، د سلواغې په ۲۷مه نېټه په کویټه او کچلاک سیمو کې د شپې ناوخته پاکستاني پولیسو د یو شمېر افغان کډوالو کورنۍ له خپلو مېنو څخه په زور ایستلې او ناسم چلند یې ورسره کړی دی.
اعلامیه زیاتوي، چې په یادو کسانو کې ۶۵ ماشومان او ۳۰ ښځې شاملې دي، چې د سپین بولدک له لارې افغانستان ته را اړول شوي دي.
دا په داسې حال کې ده، چې پاکستاني حکومت د ټولو اصولو خلاف د افغان کډوالو پر وړاندې کړنې په تېرو دوو کلونو کې بار بار تکرار کړې او لا هم دوام لري.
د افغانستان د اسلامي امارت د کډوالو او راستنېدونکو چارو وزارت ورته کړنې غندي او له نړیوالو بنسټونو غواړي، چې په یاد هېواد کې دې له افغان کډوالو سره خپلو مرستو او همکاریو ته دوام ورکړي، څو په باعزته توګه خپل هېواد ته را ستانه شي.