د افغانستان اسلامي امارت د بهرنیو چارو وزیر مولوي امیرخان متقي سره د ایران سفیر علیرضا بیګدلي لیدنه کړې.
په دې لیدنه کې د دوه اړخیزو اړیکو پر پیاوړتیا او په بېلابېلو برخو کې د ګډو همکاریو پر پراختیا ټینګار شوی.
همدارنګه په سوداګریزو او اقتصادي برخو کې د تجارتي راکړې ورکړې په اسانتیا، د دواړو هېوادونو سوداګرو او پانګهوالو ته د سهولتونو رامنځته کول، د ترانزیتي دهلېزونو د پراختیا او د دواړو هېوادونو د اړوندو بنسټونو د ښه کولو په اړه خبرې شوي.
دواړو لوریو د روغتیا او کرنې په برخو کې د همکاریو د زیاتولو او د تجربو د تبادلې په اړه خبرې کړې دي.
همداراز، د انرژۍ اړوند موضوعات، لکه د برېښنا تمین او د تخنیکي همکاریو پراختیا هم مطرح شوي.