د افغانستان اسلامي امارت د ریاست الوزرا اداري مرستیال مولوي عبدالسلام حنفي په مشرۍ د نمونه یي روغتون د چارو د پرمختګ په موخه د ټاکل شوي پلاوي غونډه، د یاد پلاوي د غړو او متخصصینو په ګډون جوړه شوې.
د غونډې په پیل کې د پلاوي غړو، د یاد روغتون د کاري پرمختګونو او ترسره شویو چارو ترڅنګ د خپلو کړنو او اجرااتو راپور وړاندې کړی.
وروسته د دغه نمونه یي روغتون لپاره د اړینو تجهیزاتو او وسایلو د برابرولو، د ساختماني چارو بشپړولو، د اکسیجن پلانټ د رامنځته کولو، د متخصصینو، اداري او خدماتي پرسونل د ګمارنې، د طبي وسایلو او ماشینرۍ د نصبولو او د ټولو اړتیاوو د برابرولو په اړه هر اړخیز بحث ترسره او په اړه یې لازم تصمیمونه ونیول شوي.