د رياست الوزرا اقتصادي مرستيال ملا عبدالغني برادر اخوند نن د روان لمريز کال د کب مياشتې په دویمه نېټه د سردار محمد داوود خان په ۴۰۰ بستريز روغتون کې يو شمېر روغتيايي برخې ګټې اخيستنې ته وسپارلې.
په دغو مراسمو کې د ملي دفاع وزیر مولوي محمد یعقوب مجاهد او د اسلامي امارت د وسلهوالو ځواکونو لوی درستیز قاري فصیحالدین فطرت هم حضورد درلود.
په يادو برخو کې نوې ۱۰۰ بستريزه څانګه، د ملکي ناروغانو لپاره جوړ شوى روغتون او همدا راز د سردار محمد داوود خان روغتون ته د ان کي سي کمپ سپارل شامل دي، چې په نويو او عصري طبي تجهيزاتو سمبال دي.