د حماس اسلامي غورځنګ له لوري د ۶ اسرائیلي بندیانو له خوشي کولو وروسته اسرائیلو د ۶۲۰ فلسطیني بندیانو ازادول ځنډولي.
ټاکل شوه وه، چې اسرائیل دا بندیان پرون (شنبه، د کب ۴مه) خوشي کړي.
اسرائیلو ویلي، چې له ۶۰۰ د ډېرو فلسطیني بندیانو خوشي کول یې تر نامعلوم وخته پورې ځنډولي.
حماس غورځنګ په دې تړاو ویلي، چې د اسرائیلو له لوري د فلسطیني بندیانو نه خوشي کول او یا ځنډول د اوربند له هوکړې ښکاره سرغړونه ده.
یاد غورځنګ پرون د غزې په خان یونس ښار او النصیرات پنډغالي کې شپږ اسرائیلي بندیان ازاد او د سره صلیب نړیوالې کمېټې ته وسپارل.