د ریاستالوزرا اداري معاونیت په هدایت د سټنډرډ ملي ادارې د عمومي رییس ملا فیضالله تمیم په مشرۍ پلاوي، چې د اطلاعاتو او کلتور وزارت د هنر او کلتور مرستیال مولوي عتیقالله عزیزي، د صنعت او سوداګرۍ وزارت استازو یې ملتیا کوله د کیفیت تنظیم په موخه د خوړو او درملو له ځینو فابریکو څخه څارنه وکړه.
د اطلاعاتو او کلتور وزارت وايي، چې د څارنې پر مهال کې مولوي عتيقالله عزيزي د معياري توليداتو رول د عامه روغتيا د تامين او د هېواد د اقتصادي ودې لپاره مهم بللی او په دې برخه کې د مستند او معتبر معيارونو رعایت کول ضروري بللی دی.
نوموړي د بېلابېلو برخو کې د پرمختګونو له امله خوښي څرګنده کړې او ويلي يې دي چې اسلامي امارت د داخلي پانګوالو ملاتړ ته ژمن دی.
د فرهنګ او هنر معین همداراز ويلي چې د توليدي صنايعو په پرمختګ او پراختيا کې، پرله پسې هڅې د اړينو تسهيلات د برابرولو لپاره روانې دي.
ښاغلي عزیزي زياته کړې، اړینه ده چې د داخلي تولیداتو څخه د ګټه پورته کولو په موخه عامه پوهاوی ترسره شي او د رسنیو له لارې د بازار موندنې په برخه کې لا کار وشي؛ د اطلاعاتو کلتور وزارت دې برخه کې همکارۍ ته ژمن دی.