د صنعت او سوداګرۍ وزیر نورالدین عزیزي ویلي، چې ټول هېواد کې د بیو د کنټرول ټیمونه فعال دي او په بازارونو کې د لومړنیو توکو بیې کنټرولیږي.
ښاغلي عزیزي یاده موضوع د اصنافو له استازو او د دې وزارت له ولایتي رییسانو سره د بازارونو د ارزونې او د لومړنیو خوراکي توکو د بیو کنټرول په موخه جوړه شوې غونډه کې یاده کړې ده.
نوموړي زياته کړې، چې په تېرو کلونو کې د رمضان په مبارکه مياشت کې د لومړنیو خوراکي توکو د زياتوالي په اړه شکایات موجود وو، چې دا د نورو هېوادونو سره برعکس وو.
نورالدین عزیزی ټولو هېوادوالو ته ډاډ ورکړ چې د موادو د لومړنیو خوراکي توکو د کنترول ټیمونه په ټول هېواد کې فعال دي، نرخونه یې په بازارونو کې کنترول وي او له متخلفانو سره جدي چلند کوي.
د صنعت او تجارت وزیر همداراز د ولایتي ټولو رییسانو ته ته هدایت ورکړ چې د خپلو ولایاتو په مرکزونو او ولسوالیو کې د لومړنیو خوراکي توکو بیې په کنترول کې جدي پاملرنه وکړي او خپل راپور په ټاکل شوې وخت کې د مرکز سره شریک کړي.