اسلامي امارت د یوې اعلامیې په خپرولو سره پر شهید مولانا حامدالحق حقاني برید په کلکه غندلی او کورنۍ او دوستانو ته یې د جمیل صبر غوښتنه کړې.
په یاده اعلامیه کې ویل شوي:« د افغانستان اسلامي امارت پر شهید مولانا حامدالحق حقاني دغه برید په کلکه غندي؛ د نوموړي شهادت د علمي حلقو لپاره یوه ستره ضایعه بولي او په اړه یې د مولانا درنې او علمي کورنۍ، شاګردانو او متعلقینو ته تسلیت وایي، نوموړي ته جنةالفردوس، کورني دوستانو او ټول علمي کهول ته جمیل صبر او جزیل اجر غواړي.»
اعلامیه زیاتوي:« الله تعالی دې د ظالمانو څخه چې په سیمه کې د حق پرسته علماوو په ضد فعالیت کوي، د داسې ستر ظلم او جنایت انتقام واخلي او د بیا لپاره دې د ټولو علمای کرامو حفاظت وکړي.»
آمین یارب العلمین
د افغانستان اسلامي امارت