تېرو څه باندي درېیو کلونو کې اسلامي امارت د بېلابېلو لاسته راوړنو ترڅنګ په سیاسي برخه کې ښه پرمختګ لري.
د افغانستان اسلامي امارت ویاند مولوي ذبیح الله مجاهد وایي، اسلامي امارت د نړۍ له ګڼ شمېر هېوادونو سره ښه تعامل او په دغه هېوادونو کې فعالې استازولۍ لري.
مولوي ذبیح الله مجاهد یو ځل بیا له نړیوالې ټولنې غوښتنه کړې، چې په ملګرو ملتونو سازمان کې د افغانستان څوکۍ اسلامي امارت ته وسپاري ترڅو په نړیواله ټولنه کې د افغان ولس د غږ اورېدو لپاره استازی شتون ولري.
ورته مهال د چارو شنونکي وايي، نړیواله ټولنه دې د افغانستان واقعیتونو ته په کتو له افغانستان سره خپلو مرستو ته دوام ورکړي.
د یادونې ده، چې اسلامي امارت د نړۍ په شاوخوا ۴۰ هېوادونو کې فعالې سیاسي استازولۍ لري، چې افغانستان کې هم د اسلامي همکاریو سازمان او یوناما په ګډون د یو شمېر هېوادونو استازولۍ فعالیت کوي.