د پېښو پر وړاندې د مبارزې ملي ادارې رییس د روزګان ولایت د پېښو پر وړاندې د مبارزې له ریاست څخه لیدنه کړې.
د پېښو پر وړاندې د مبارزې ملي ادارې رییس ملا نورالدین ترابي، روزګان ولایت ته د خپل سفر په ترڅ کې د یاد ولایت د پېښو پر وړاندې د مبارزې ریاست له کارکوونکو سره د هغوی د ستونزو, نظرونو او وړاندیزونو د اورېدو په موخه د لیدنې سربېره د یاد ریاست له ګدامونو څخه هم لیدنه کړې.
په دې لیدنه کې ملا نورالدین ترابي د یاد ریاست له هر کارکوونکي سره په جلا جلا توګه لیدنه کړې او د هغوی وړاندیزونه او ستونزې یې اوریدلي او د حل لپاره یې د همکارۍ ډاډ ورکړی دی.
د پېښو پر وړاندې د مبارزې ملي ادارې رییس په روزګان ولایت کې اړونده ریاست کارکوونکو ته ویلي؛ د مراجعینو سره نیک چلند، د کارونو پر وخت او بې له ځنډه ترسره کول، د بیت المال په سمه توګه کارول او اداري اصول مراعاتول باید په جدي توګه پام کې ونیسي.
همداراز نوموړي له هغوی غوښتي، چې د ولس ریښتیني خدمت کوونکي واوسي او د هېواد د پرمختګ او ښېرازۍ لپاره خپله ټوله انرژي او مسلکي پوهه په سمه توګه وکاروي.
په پای کې روزګان ولایت کې د اړوند ریاست کارکوونکو له ملا نورالدین ترابي څخه د دوی د حال احوال اخیستلو او د ستونزو د اورېدو له امله مننه کړې.
همداراز د یاد ریاست کارکوونکو ډاډ ورکړی، چې د ادارې د مشرتابه د لارښوونو او پریکړو سره سم خپل کاري پلانونه به لا په ښه توګه عملي کړي.