د کرنې، اوبو لګولو او مالدارۍ وزارت مرستیال مولوي صدراعظم عثماني د اسلامي هوساینې نړیوالې موسسې له رییس امري یوکسک سره لیدنه کړې.
په دې لیدنه کې د یادې موسسې د راتلونکو پروګرامونو په اړه، چې په لوګر او پکتیا ولایتونو کې به عملي کېږي خبرې شوي.
همدارنګه د اسلامي هوساینې نړیوالې موسسې رییس د کیمیاوي سرو، د اصلاح شویو تخمونو وېش او د کروندګرو د روزنې په اړه د کرنې، اوبو لګولو او مالدارۍ وزارت مرستیال ته معلومات ورکړي.
د کرنې او مالدارۍ مرستیال د دې موسسې له فعالیتونو مننه کړې او ټینګار یې کړی، چې د افغانستان ولس د انقلاب او تېرې جګړې پر مهال له ګڼو ستونزو سره مخ شوی، نو ورسره مرسته کول د اسلامي هېوادونو دیني او اخلاقي مسولیت دی.