د اطلاعاتو او کلتور وزارت د پلان او پاليسۍ رياست له لوري په هېواد کې سېلانيانو ته د اسانتیاوو برابرولو په موخه غور، کاپيسا، نورستان او پکتيا ولايتونو کې د هوټلونو جوړولو په لړ کې د غور ولايت د منار جام په سيمه کې د هوټل او مېلمستون جوړېدو چارې بشپړې او ګټې اخستنې ته تیار شوی دی.
د پلان او پاليسۍ رییس قاري فدامحمد دوست وايي، د غور ولايت د منار جام سيمه کې هوټل د اطلاعاتو او کلتور وزارت د پراختيايي بوديجې څخه د شاوخوا ۱۶ میليونه افغانيو په لګښت سره جوړ او ګټې اخستنې ته اماده شوی دی.
د ښاغلي دوست په وينا؛ د روان کال تر پايه به په کاپيسا، نورستان او پکتیا ولايتونو کې هم د هوټلونو جوړولو چارې بشپړې او ګټې اخیستنې ته وسپارل شي، تر دې وړاندې په يادو ولايتونو کې د سېلانيانو د اوسېدو لپاره مناسب ځايونو شتون نه درلود، چې د دې هوټلونو په جوړېدو سره به هېواد کې د ګرځندوی صنعت پراختيا ومومي او سېلانيانو لپاره به لازمې اسانتیاوې رامنځته شي.