د افغاني سرې میاشتې لوی رییس شیخ شهاب الدین دلاور او د نوموړي مرستیال حافظ عزیز الرحمن په ملتیا په افغانستان کې د نړیوال فدراسیون له سرپرست مسول احمد سلیمان سره بهرنيو هېوادونو ته د ترسره کېدونکو سفرونو او له بهر څخه د بشري مرستو راجلبولو په موخه لیدنه کړې.
په دې لیدنه کې شیخ شهاب الدین دلاور، احمد سلیمان ته ښه راغلاست ویلی او له افغاني سرې میاشتې ټولنې سره یې د نړیوال فدراسیون د دوامداره مرستو او همغږۍ ستاینه کړې.
ورپسې په افغانستان کې د نړیوال فدراسیون سرپرست مسول د افغاني سرې میاشتې عمومي رییس او د نوموړي مرستیال ته نږدې ورځو کې قطر هېواد او له هغه وروسته جنیوا ته د پلان شویو سفرونو او هلته د بېلابېلو بهرنيو هېوادونو د سفارتونو له مسولینو سره د ناستو برابرولو په اړه لازم معلومات ورکړي.