د نیویارک ټایمز د راپور له مخې، د پینټاګون یوه اژانس ویلي چې د امریکا د ولسمشر ډونالډ ټرمپ په امر له اوکراین سره د سپوږمکۍ له لارې د اخیستل شويو انځورونو شریکول ځنډول شوي دي.
ډونالډ ټرمپ دغه ګام د اوکراین پر ولسمشر زیلینسکي د فشار راوړلو لپاره اخیستي، تر څو له روسیې سره د سولې مذاکراتو ته چمتو شي.
اوکراین له دې ټکنالوژۍ څخه د روسي ځواکونو د خوځښت د تعقیب او د زیربناوو د زیان د ارزونې لپاره استفاده کوله.
ټرمپ څه موده وړاندې په سپینه ماڼۍ کې له زیلینسکي سره د یوې تاوتریخجنې ناستې وروسته پر اوکراین پوځي مرستې او د استخباراتي معلوماتو شریکول هم درولي دي.