د افغانستان برېښنا شرکت عمومي اجراییوي رییس ډاکټر عبدالباري عمر د میدان وردګو والي قاري بختیار معاذ سره د برېښنا شبکې پراختیا او د ګډو همکاریو زیاتیدو په اړه خبرې کړې دي.
ډاکټر عبدالباري عمر د میدان وردګو والي او ورسره راغلو قومي مخورو ته ډاډ ورکړی، چې د برېښنا شبکې پراختیا چارې به مالي امکاناتو ته په کتو وارزول شي.
د میدان وردګو والي او د یو شمېر سیمو قومي مخورو د افغانستان برېښنا شرکت عمومي اجراییوي رییس ته ډاډ ورکړی، چې له برېښنا څخه د پاتې سیمو اوسېدونکي د شبکې پراختیا لپاره د یو شمېر اړتیا وړ تجهیزاتو چمتو کولو برخه کې همکارۍ ته چمتو دي.
ډاکټر عبدالباري عمر د افغانستان برېښنا شرکت سره د شبکو پراختیا برخو کې د خلکو همکارۍ ستایلي او دا یې پر نظام د افغانانو د باور او ملاتړ مهمې بېلګې بللي دي.