یوه ایراني مقام منلې، چې کارګر یې د زیات معاش د ترلاسه کولو په موخه افغانستان ته ځي.
د ایران د کارګرانو عالي شورا کې د کارګرو استازي محسن باقري ویلي، چې د دې هېواد کارګر د غوره مزدورۍ ترلاسه کولو په موخه عراق او افغانستان ته د تللو هڅه کوي.
ښاغلی باقري زیاته کړې، چې د کورني بازار د کار کولو شرایط نامناسب دي، نو له همدې کبله ایراني کارګر د غوره مزدورۍ په بدل کې د ساده کارونو د موندلو لپاره یادو هېوادونو ته کډوال کېږي.
د یادونې وړ ده، چې د اسلامي امارت اقتصاد محوره پالیسي د دې سربېره چې هېواد کې یې د کار غوره شرایط رامنځته کړي، د سیمې په کچه یې د افغانۍ ارزښت هم لوړ ساتلی، نو له همدې امله ایراني کارګر غواړي چې د کار کولو لپاره افغانستان ته راشي.