د ملي دفاع وزارت وایي، د دې وزارت د بېلا بېلو قول اردوګانو او قطعاتو ١١١ تنه ځوان منسوبین د عبدالله بن مسعود رضي الله عنه د جګړه ایزو ګډو زده کړو قوماندانۍ له مسلکي زده کړو څخه د یو لړ مراسمو په ترڅ کې فارغ شول.
په دې مراسمو کې د عبدالله بن مسعود رضي الله عنه د جګړه ایزو ګډو زده کړو قوماندان مولوي نصیب الله مدني ترڅنګ ګڼ شمېر مسولینو او منسوبینو ګډون درلود.
مولوي نصیب الله مدني فارغانو ته د وینا پر مهال ویلي، په مسلکي برخو کې د عصري تکنالوژۍ وسایلو کارول زده کړئ او خپل مهارتونه لا پسې پیاوړي کړئ.
نوموړي زیاته کړې؛ زموږ موخه دا ده چې یو قوي، منظم او د وخت اړوند مجهز نظامي ځواک ولرو، چې د اسلامي نظام ساتنه وکړي.