د عامې روغتیا وزیر مولوي نور جلال جلالي په خپل کاري دفتر کې د پروان له والي مفتي محمد ادريس انوري سره لیدنه کړې.
په دې لیدنه کې د پروان ۲۰۰ بستریز ولایتي او سیاګرد غوربند ۵۰ بستریز روغتونونو د پاتې چارو بیاځلې پیل اړوند خبرې شوې دي.
د پروان والي په یاد ولایت کې د ناروغانو ستونزو ته رسېدنې په موخه د ولایتي او سیاګرد غوربند روغتونونو د پاتې چارو بشپړېدل اړین بللي او د روغتیا وزارت له رهبرۍ څخه یې د پاملرنې غوښتنه کړې.
مولوي نور جلال جلالي د نوموړي غوښتنې اوریدلي دي او د یادو روغتونونو د پاتې چارو بیا ځلې پیل بشپړ ډاډ یې ورکړی.
د یادونې وړ ده، چې د دغه روغتونونو د جوړېدو ۸۵ سلنه چارې بشپړې شوي او پاتې چارې به یې په نږدې راتلونکي کې بشپړې شي.