د امنيتي او تصفيوي چارو مرکزي کمېسيون غړو او د زونونو مسولینو د هېواد بېلابېلو زونونو ته کاري سفرونه کړي، څو له ولايتي امنیتي کمېسيونونو او کره کتنې کمېټو سره وويني، د هغوی ستونزې واوري، او د لا ښې همغږۍ لپاره لازمې لارښوونې ورته وکړي.
په يادو سفرونو کې د هېواد له ټولو ولایتونو څخه ليدنه شوې، چيرې چې د واليانو په مشرۍ د امنيتي کمېسيونونو له غړو، د کره کتنې کمېټو استازو او اړونده مسولینو سره مهمې ناستې ترسره شوې دي.
په دې ناستو کې د امنيتي چارو په پياوړتيا، د مخدره موادو د قاچاق په مخنيوي، د جرايمو پرضد مبارزه او په مسلکي توګه د سرحداتو د ساتنې په اړه مهمې خبرې شوې دي.
د کمېسيون د مشرتابه له لوري د زونونو مسولینو ته سپارل شوې ځانګړې سپارښتنې د ولايتونو مسولینو سره شريکې شوي، په دغو سپارښتنو کې د امنیتي تدابیرو پیاوړتیا، د شفافیت ساتنه، د تصفیوي چارو لا ښه تنظیم او دقت، او د خلکو سره د نږدې همکارۍ ټینګښت ته جدي اشاره شوې وه.
د ولايتي امنیتي کمېسيونونو مسولینو د دې سفرونو او ناستو هرکلی کړی، خپل وړاندیزونه او غوښتنې یې مطرح کړې، او د امنيتي کمېسيون د جوړښت ستاینه یې کړې ده.
هغوی څرګنده کړې، چې د کمېسيون جوړېدو سره نه یوازې ښه همغږي رامنځته شوې بلکې د دوی چارې يي اسانه او چټکې کړې دي او همدا راز د امنیتي خدماتو کیفیت هم ورسره لوړ شوی دی.