د ۲۰۷ الفاروق قول اردو له ښوونیز مرکز څخه ۸۳۹ ځوان منسوبین له نظامي، مسلکي او عقیدتي زدهکړو څخه وروسته د یو لړ ځانګړو مراسمو په ترڅ کې فارغ شول.
په دې مراسمو کې د ۲۰۷ الفاروق قول اردو قوماندان مولوي نصرالله مطیع، د هرات مرستیال والي، د دې ولایت د نظامي محکمې رییس او د لویدیځ زون یو شمېر نورو نظامي او ملکي مسولینو ګډون کړی و.
په یادو مراسمو کې د فارغانو له لوري نظامي تمرینونه، تکتیکونه او بېلابېل ډول حرکات نندارې ته وړاندې شول او مراسم د مسولینو له لوري د تصدیق پاڼو په ورکولو سره پای ته رسېدلي.