د افغانستان اسلامي امارت د بهرنیو چارو وزیر مولوي امیر خان متقي په کابل کې د قطر دولت له شارژدافیر ښاغلي مُردِف القاشوطي سره لیدنه کړې.
په دې ناسته کې د افغانستان او قطر پر دوو اړخیزو اړیکو، له متحده ایالتونو سره پر وروستیو پرمختګونو او یو لړ نورو مسایلو خبرې شوې دي.
د هېواد د بهرنیو چارو وزیر له متحده ایالتونو سره وروستي پرمختګونه مهم بللي او د قطر دولت له شارژدافیر او همکارۍ یې هم مننه کړې ده.
مولوي امیر خان متقي له قطر سره د افغانستان اړیکې مخ پر ودې بللې او هیله یې څرګنده کړې، چې د دواړو هېوادونو اړیکې لا زیات پرمختګونه ولري.
د قطر شارژدافیر په بهرنیو اړیکو کې پرمختګونه مثبت ارزولي او له افغانستان سره یې د خپل هېواد د همکاریو ژمنه کړې ده.