ژوندۍ
ژوندۍ
spot_img

وروستی خبرونه

فراه کې د ۵.۲ میلیونه افغانیو په لګښت د اوبو رسولو یوه شبکه ګټې اخیستنې ته وسپارل شوه

د فراه ولایت د کلیو، بیارغونې او پراختیا ریاست له لوري د دغه ولایت د خاک‌سفید ولسوالۍ په رنج کلي کې د ۵.۲ میلیونه افغانیو په لګښت د اوبو رسولو یوې شبکې د جوړولو چارې بشپړې او ګټې اخیستنې ته وسپارل شوه.

د کلیو، بیارغونې او پراختیا وزارت وایي، په یاده شبکه کې د ۲۰ متر مکعب په وړتیا د پاکو اوبو یوې ذخیرې جوړول، د پنځه زره مترو په اوږدوالي پايپ غځول او د ۲۱ سولر تختو نښلول شامل دي.

یاد وزارت زیاته کړې، چې د شبکې د کار په جریان کې لسګونه تنه کاریګرو ته د کار زمینه برابره شوې وه او په بشپړیدو سره یې د یادې کلي ۳۰۰ کورنیو د څښاک پاکو اوبو ته لاسرسی پیدا کړي.